Фарҳанги ҳунарҳои мардумӣ аз дурбини Муҳиддини Олимпур

Бинишвари тоҷик Муҳиддини   Олимпур барои интишори  фарҳанги  тоҷик  хидмати  бениҳоят   бузурге  кард.  Ў  ба  ҳар   кишваре , ки  рафт  ин фарҳангро  бо худ бурд  ва  намунаи   беҳтаринашро  бурд. Олимпур  ба  ҷаҳон  бо чашми дил  менигарист. Бо чашми сар  ва дурбин аз  он акс  мебардошт.  Онҳое,  ки  бо  Муҳиддин  ҳамсўҳбат  доштаанд,  фарҳанги  моро, халқи  моро   дўст  доштанд.

Бо  садои   шефтаву  лаҳни   тоҷикӣ  сухан  мегуфт. Ў  нахустин  кас  аз  Душанбе буд, ки  на  парво дошт  аз  сармову  тарси  ҳоким  бар шаҳр  ва на аз  гуфтан  ибое  дошт. Қиссагӯи   ғуссахо  ва  орзуҳо   буд.  Дар   миёни  ҳамзабонон   низ  танҳо  буд.

Шодмониҳо  ва ғамҳоро  бо  такопу, шӯр,  гоҳо  ҳасрату   ташвиш   бозгӯ  мекард.  Гуё   фаҳмида  буд  аз  пеш, ки нахоҳад  зист  асре  бас дарозу  дур. Лаҳзааш  соат  буду  ҳар  соаташ  як  рўз.  Киф  бар   шона,  дурбиневу   китобе    ва чароғе  дошт.

Дурбин, то  ҳолро  дар  хотири  таърих   биспорад ва  китобе, то ки  аз  пешиниён  хонад.  Бо   чароғ   бинишаш,  ки  рӯ  ба фардо буд, оламе медид ва   дар он  одаме  беҳтар.  Зери  лаб  мегуфт  гоҳу  гоҳ  ба  фарёд:

«Фурсати  мо  танг,  пойҳоямон  ланг. Роҳамон  пурхору  хоросанг.  Дигарон  дар  авҷ,  дар   парвоз,   болҳошон донишу фарҳанг!

Мардуми мо хоб,  қисмати мо ҷанг. Кош, эй   ёрон,  аз  маҳаллаи  худ  берун   оем! Гарди  аъсори   дигар  з-андешаҳомон  пок   биздоем! Роҳамон  ҳамбастагӣ    бо  ҳамзабонон,  қиблаамон   фарҳанги   инсонӣ. Кош бархезем  з-ин  хоби  гарон   мо  хуфтагони олами  фарҳанг. Кош омўзем:

Шеъро аз  Рудакӣ, ҳикмат  зи Синои  Бухороӣ, ишқу  ирфонро   зи Балхӣ  ва  хирад   аз   Носири   Хисрав. Ва  сипас,  з-он   суйтар, з-офоқи  нав дониш  гирем, то ки пеши  мардуми  ояндабин  мо низ  ҷо  гирем».  Дур   аз  ҳар   зишту  ҳам  торик.   Дурбиневу   китобе   чароғе   дошт .  Марди  оянда,  ҳамон  бинишвари   тоҷик.  

Аз аккосиҳои Олимпур.

Ин сатрҳо аз китобе иқтибос шуданд, ки баъди марги Муҳиддини Олимпур соли 1997 ВВС бо номи “Муҳиддини Олимпур бинишвари тоҷик” чоп карда буд.

Дар  Китобхонаи  Миллӣ оиди  Муҳиддини  Олимпур  ин  адабиётро   метавонед  дастраст   намоед:

Олимпур,М .   Дар  бораи  ҷашни  қадимаи  халқи  тоҷик   Меҳргон  // Адабиёт  ва  санъат . –  1988. – 6 октябр .

Олимпур,М.  Таронаҳо  // Адабиёт ва  санъат. –  1991. – 17 октябр.

Олимпур, М.  Латифаҳо //Адабиёт ва  санъат . – 1986. – 10 июл.

 Олимпур, М.  Ҷашнгирии  иди  Наврўз   дар Республикаи   демократии  Афғонистон  // Ҷавонони Тоҷикистон. – 1989. – 19 март .

Олимпур ,М.  Дар  бораи  бозёфти  дасхати  рисолаи  Бухорӣ  «Чаҳор  боғи  гулҳо» дар  шуъбаи  дасхатҳои  китобхонаи  давлатии ба номи  Фирдавсӣ  // Адабиёт   ва   санъат.  1985. – 10  январ .

Бо бузургони шеъри замон.

Олимпур,М.  Оиди   ҳаёт  ва  фаъолияти   санъаткори   иронӣ Саттор  // Адабиёти   ва  санъат. – 1994. –15 июл.

Олимпур ,М.  Дар  бораи  дуюмин  ҷашнвораи    санъати  театрии   Тоҷикистон «Парасту»  // Адабиёти  ва   санъат. – 1989. – 16 март.

Олимпур , М. Аз фаъолияти   ҳунарии   устод  Муҳаммадризои   Шаҷариёни  эронӣ   //  Адабиёт  ва   санъат. -  1990. – 8 март.

Олимпур, М. Сафари   адибони  тоҷик   Л.Шералӣ, Г.Сафиева, У.Куҳзод  ва   Н.Муродӣ   ба  Бухоро  //  Адабиёт   ва   санъат.-1989.-12 январ.

Олимпур, М. Аз фаъолияти  меҳнатии  филмбардори  киностудияи  «Тоҷикфилм»    // Адабиёт   ва  санъат.-1989 . – 7 май.

Таҳияи Меҳрангез Муҳаббатова,
Маркази такмили ихтисос