Ҷавонон ва миллат аз нигоҳи як ҳамкори ҷавони мо
Дар шароити муосири ҷаҳонишавӣ танҳо кадрҳои ҷавони босавод ва шахсиятҳои солимфикр метавонанд давлатро соҳибӣ карда, арзишҳои миллии онро ҳифз намоянд, дар амри амалӣ намудани мақсаду ормонҳои миллӣ ҳамчун фарзандони бонангу номус саҳмгузор бошанд, барои сарбаландии миллат дар арсаи ҷаҳонӣ ва пойдории давлат ҷаҳду талош кунанд. Ҷавонони моро лозим аст, ки ҳушёрӣ ва зиракиро аз даст надода, дар атрофи мақомоти қудратии кишвар сарҷамъ гардида, дар омодагии доимӣ қарор дошта, баҳри ҳифзи Модар-Ватан, волидайн, хоҳарону кўдакон ва пирони солхўрда ҳамеша омода бошем.
Имрўз вақти он расидааст, ки номуси ватандорию ватандўстии Тоҷиконаи худро ба ҷаҳониён нишон дода, Тоҷикистони азизро боз ҳам ободтару зеботар ва амнтар намоем. Танҳо бо савияи боланди донишу муҳаббат, самимият ва ҳисси худшиносиву ватандустӣ ва зиракии сиёсиву ифтихори миллии мо ба рушди минбаъдаи иқтисодиёт ва иҷтимоиёти хоҷагии халқи мамлакат такони чиддӣ мебахшад. Қобили қайд аст, ки айни замон мо ҷавонони Тоҷикистон таҳти шиори «Мо нисбати тақдири имрўзу фардои Тоҷикистони азиз бетараф нестем» фаъолият намуда истодаем. Бовари дорем, ки тамоми мардуми шарифи Тоҷикистон барои амнияти комил, фазои сулҳу суббот ва ваҳдату якдилии миллати тоҷик даст ба даст гирифта аз ҳарвақта дида бештар муттаҳид, созанда ва сипосгузор хоҳем буд ва ин фазоро доимо мисли гавҳараки чашм нигоҳ хоҳем дошт.
Ҷавонони бонангу номуси имрўзаи Тоҷикистон имрўзу фардои Тоҷикистони соҳибистиқлолро ҳамчун як давлати ободу пешрафта ва озоду демократӣ мебинем, ки мояи ифтихори ҳар як фарди ҷомеа мебошад. Имрўз ҷавонону наврасони Ҷумҳурии Тоҷикистон аз имкониятҳои фароҳами даврони истиқлолият ҳамаҷониба бархурдор буда, баҳри баланд бардоштани илму дониш ва маърифату ҷаҳонбинии хеш пайваста кўшиш менамоянд ва якҷо бо дигар қишрҳои ҷомеа ормонҳои миллиро татбиқ мекунанд. Мо бо ин ватани аҷдодӣ ва соҳибтамаддун ифтихор дошта, онро дўст медорем ва ҳамеша дар сафи пеши созандагони ватан барои ояндаи дурахшони насли ҷавон ва созандагиву бунёдкории ҳар як ваҷаб хоки муқаддаси он қадамҳои устуворона мегузорем.
Дилафрўз Шоназарова
мутахассиси пешбари шуъбаи
хизматрасони ба муштариён
