Ба истиқболи Рӯзи Дониш. Суханони ҳикматомези Пешвои миллат дар бораи илм ва маориф
Барои дар мақоми забони илм қарор додани забони тоҷикӣ бояд пеш аз ҳама ба низоми таҳсилоти миёна ва олӣ такя карда шавад.
(Суханронӣ ба муносибати рӯзи забони тоҷикӣ. Душанбе, 21 июли соли 2007).
Дар ҳифзи асолати забони нобу шоиронаи тоҷикӣ аз падару модарон сар карда, то мураббиёни муассисаҳои томактабӣ, муаллимону устодони мактабҳои таҳсилоти миёнаву олӣ, аҳли зиё ва умуман тамоми ҷомеа бояд ғамхор ва саҳмгузор бошанд.
(Суханронӣ ба муносибати Рӯзи забони тоҷикӣ, Душанбе, 21 июли соли 2007).
Ҳаргиз худро аз хондану илм омӯхтан канор нагиред, фарзандонатонро ба таҳсилу донишомӯзӣ ҳидоят намоед, то ки онҳо дар зиндагӣ ҳамеша комёб бошанд.
(Суханронӣ дар маросими ифтитоҳи нимпайкараи асосгузори адабиёти тоҷику форс Абӯабдуллоҳи Рӯдакӣ дар ноҳияи Файзобод, 30 майи соли 2008).
Ташкили раванди бонизом ва босифати таҳсилот ба инкишофу тараққиёти босубот ва устувори ҳаёти ҷомеа мусоидат менамояд ва нақши илму маориф барои таълиму тарбияи насли солим, шахси фаъолу созанда ва эҷодкор бисёр бузург мебошад.
(Суханронӣ дар маросими ифтитоҳи Литсейи президентӣ барои кӯдакони болаёқати шаҳри Турсунзода, 11 июли соли 2008).
Итминони комил дорам, ки ҳар яки шумо, бо истифода аз шароитҳои фароҳамовардаи давлат хуб таҳсил карда, барои соҳибмаърифату соҳибкасб шудан азму талош менамоед.
(Табрикот ба муносибати оғози соли таҳсили 2008-2009, 31 августи соли 2008).
Яке аз самтҳои асосии фаъолияти муассисаҳои таҳсилоти олии касбӣ ташкил ва гузаронидани таҳқиқоти илмӣ мебошад.
(Суханронӣ дар маҷлиси идона бахшида ба 60 - солагии Донишгоҳи давлатии Миллии Тоҷикистон, 24 октябри соли 2008).
Дар кори омӯзиши таъриху фарҳанги ғании халқамон нақши олимон, шоирону нависандагон ва устодони муассисаҳои таҳсилоти олии кишвар бузург аст.
(Суханронӣ дар мулоқот бо зиёиёни кишвар дар мавзӯи Ҷомеа ва рисолати зиёӣ, 20 марти соли 2009).
Дараҷаи дониш ва сифати таҳсилот аз ҷумлаи масъалаҳои ҷиддии системаи ҷаҳонии таҳсилот аст.
(Суханронӣ дар вохӯрӣ бо омӯзгорон ва донишҷӯёни муассисаҳои таҳсилоти олии касбӣ дар Донишгоҳи давлатии Тиҷоратии Тоҷикистон, 1 сентябри соли 2009).
Мо барои шумо ҳамаи шароити таҳсилро фароҳам меорем ва аз шумо фақат хубу аъло таҳсил кардан ва соҳиби илму ҳунар шуданро талаб дорем.
(Суханронӣ дар маросими ифтитоҳи Мактаби таҳсилоти умумии хиёбони Ҳофиз. 5, ноябри соли 2009).
Бо мақсади таҳкими мақоми зан дар ҷомеа ҳукумати Тоҷикистон ба масъалаи бо таҳсил фаро гирифтани духтарон ҳамеша таваҷҷӯҳи хоса зоҳир менамояд.
Паёми табрикӣ ба муносибати Рӯзи модар, 8 марти соли 2010).
Мо бояд барои наврасону ҷавонон тамоми шароити таҳсилро муҳайё созем, зеро онҳо пешбарандаву давомдиҳандаи кору фаъолияти мо мебошанд.
(Суханронӣ дар маросими ифтитоҳи мактаби нав дар ноҳияи Бобоҷон Ғафуров, 10 июли соли 2010).
Таълими тарбияи ҷисмонӣ ва омодагии дифои ҳарбӣ дар муассисаҳои таҳсилоти миёна ва олӣ мебошад.
(Суханронӣ дар мулоқот бо варзишгарони мамлакат, 20 декабри соли 2010).
Таҳсилоти ибтидоии касбӣ низ яке аз зинаҳои муҳими соҳаи маорифи кишвар буда, иқтисоди миллиро бо мутахассисони соҳибкасб таъмин менамояд ва дар рушди ҳаёти иқтисодиву иҷтимоӣ ва фарҳангии мамлакат саҳми босазо мегузорад.
(Паём ба маҷлиси олӣ дар бораи
самтҳои асосии сиёсати дохилӣ ва хориҷии Ҷумҳурии Тоҷикистон, 20 апрели соли 2011).
Яке аз масъалаҳои мубрами ҳаёти кишвари мо бо таҳсил фаро гирифтани кӯдакону наврасон мебошад.
(Суханронӣ ба муносибати Рӯзи байналмилалии ҳифзи кӯдакон, 1 июни соли 2011).
Давлат таълими умумии асосии ҳатмии ройгонро дар муассисаҳои таҳсилоти давлатӣ кафолат медиҳад.
(Суханронӣ ба муносибати Рӯзи байналмилалии ҳифзи кӯдакон, 1 июни соли 2011).
Дар кишвари мо ҳимояи ҳуқуқ, ҳифзи саломативу ҳаёти кӯдак, фароҳам овардани шароит барои таҳсилоти ӯ аз ҷумлаи самти афзалиятноки сиёсати давлат мебошад.
(Суханронӣ ба муносибати Рӯзи байналмилалии ҳифзи кӯдакон, 1 июни соли 2011).
Аз ин нуқтаи назар, мафҳуми калимаи "дониш" аз лиҳози фалсафаи таҳсилоти асри XXI маънӣ ва мундариҷаи хос пайдо менамояд.
(Суханронӣба муносибати Рӯзи дониш дар Донишгоҳи технологии Тоҷикистон. Душанбе, 1-уми сентябри соли 2011).
Дар асри нав ибораву истилоҳоте, аз қабили "фалсафаи таҳсилот", "таҳсилот дар тамоми ҳаёт", "тафаккури эҷодӣ" ва "рушди шахсият" маъмул гардидаанд, ки толибилмон бо онҳо ҳанӯз аз зинаҳои аввали донишомӯзӣ то расидан ба камолоти касбӣ рӯ ба рӯ мегарданд.
(Суханронӣ ба муносибати Рӯзи дониш дар Донишгоҳи технологии Тоҷикистон, Душанбе, 1-уми сентябри соли 2011).
Моро водор месозад, ки ислоҳоти ҷиддиро дар зинаҳои таҳсилоти ибтидоӣ ва миёнаи касбӣ минбаъд низ вусъат бахшем.
(Суханронӣ дар маросими ба истифода супурдани мактаби нав дар маҳаллаи "Наврӯз"-и ноҳияи Синои Душанбе, 31-уми августи соли 2011).
Таҳия аз Шуъбаи Медиатекаи президентии Китобхонаи миллӣ
