Модарномаи муҳоҷири овора

 Эссеи  «Модарномаи  муҳоҷири  овора» дар  эҷодиёти  Сайдаҳмади  Зардон  ҷойгоҳи  вежа  дорад. Онро  ба  далели   латофати  баён  ва  ҷазобияту  салосати  сухан  метавон  шеъри  мансур  низ  номид. Ёди  Модару  Ватан, меҳри  сарзамини  адждодӣ  ва  азизону  пайвандон  ягона  дороӣ, буду  шуди  қаҳрамони  асар  аст, ки  дар  шакли  нома  ба  модар  баён  шудааст. Ин  меҳру  муҳаббати  бепоён   муаллифи  номаро  дар  муҳликтарин  лаҳзаҳо   низ  чун  тумори  балогардон  ҳифз  менамояд, то ўро  ба  сарзаманзили  мақсуд   бирасонад.

 Муаллифи   нома  зимни  озмудани  ранҷҳои  зиндагӣ,  бахусус  муҳоҷират, ахлоқи  волои  миллиро  ҳифз  намуда, пайванди  маънавию  табии  ба ватани  аждодиро   аз  ҳама   чиз  боло  медонад.   Эссе  ба хонандаи  хуштабъ  дарси  эҳтиром  ба  волидон,  ватандўстӣ   ва  ифтихори  миллӣ   медиҳад.   

 Китоби “ Модарномаи  муҳоҷири   овора ”-ро, ки ба тозагӣ  нашр шудааст, дар Китобхонаи миллӣ  метавонед   мутолиа  намоед.

Меҳрангез Муҳаббатова,

Шуъбаи такмили ихтисос.