Ганҷи озмун. Шаҳнози Шаҳнавоз. Шоираи 20-солаи норакӣ
Нашр шуд 2020-12-10 13:37
Шаҳнози Шаҳнавоз, 20 сола, аз ҳама иштирокчии ҷавон дар наминатсияи Шоирӣ буда, зодаи шаҳри Норак мебошад. Донишҷӯи бахши сеюми коллеҷи омӯзгории шаҳри Душанбе буда, дар бахши филология таҳсили илм мекунад. Аъзои фаъоли маҳфили Хайрандеш аст. Эҷодиёташ ҳудуди севуним ҳазор мисраъро дар бар мегирад.
Яке аз талаботҳои ин наминатсия дар 13 жанр шеър эҷод намудан аст. Шаҳнавоз тавонистааст, дар 13 жанр шеър гӯяд. Модари Шаҳнавоз китобдори Китобхонаи дустии халқҳои шаҳри Норак аст. Вақте аз фаъолияти эҷодияш пурсон шудем, гуфт, аз синни 15 солагӣ ба навиштани шеър шуруъ намудаам. Устоди нахустинам дар ҷодаи шеър шодравон Муҳаммадалии Аҷамӣ буданд. Ёдашон ба хайр
Сайёҳат Назарова, хонандаи синфи 11-и муассисаи таҳсилоти умумии рақами 1-и ноҳияи Восеъ, гирандаи спидендияи президентӣ ва аъзои фаъоли бахши ташкилоти ҷамъиятии «Пайравони Пешвои миллат» дирўз дар номинатсияи «Аз ёд кардану хондани осори адибони ҷаҳон» ширкат намуд. Саёҳат ҳамроҳ бо муаллимааш ба озмун омадааст ва мегӯяд аъзои Китобхонаи Миллии Тоҷикистон, китобхонаи мактаб ва китобхонаи ноҳиявист. Бори аввал ба озмун омадааст, зеро соли гузашта дар олимпиадаҳо иштирок дошт. Ҳарчанд падари Сайёҳат дар муҳоҷирати меҳнатист, вале ҳамеша бо духтараш 
Меҳри китобхониро дар дилаш модараш - директори китобхонаи оммавии шаҳри Бўстон бедор кард. Маҳз бо тавсияи ў ширкаткунандаи озмуни «Фуруғи субҳи доноӣ китоб аст» гардид. Назира дар номинатсияи «Аз ёд кардану хондани осори адабиёти ҷаҳон» ширкат мекунад.
Самияи панҷсола, ки аз Хуҷанд ба даври ниҳоии озмуни ҷумҳуриявии “Фурӯғи субҳи доноӣ китоб аст” роҳхат гирифта буд, рӯзи қабл баромад дошт. Самия хурдсолтарин ширкаткунандаи озмуни имсолаи “Фурӯғи субҳи доноӣ...” мебошад. Ҳоло тарбиятгирандаи кӯдакистони рақами 33 шаҳри Хуҷанд мебошад. Самия барои омодагӣ ба ин озмун 2000 ҳазор мисраъ шеър азёд кардааст. Бо ҳиҷо Алифбо мехонад, вале шеърро аз забони модараш ва бибияш азёд мекунад.
Аз хурдӣ рағбати беандоза ба адабиёт дошт. Ба ҳадде, ки хост омӯзгори риштаи забон ва адабиёт бошад. Чун самимона хост, ба орзуяш расид. Аммо шояд гумон намекард соле мерасад, ки озмуне дар чунин сатҳи олӣ баргузор мегардад ва ӯ то ба Душанбе меояд. Имрӯз вай 13-умин ширкаткунанда дар номинатсияи "Хондан ва аз ёд кардани осори адибони классикии тоҷик” буд.
Ӯ шояд хурдсолтарин ширкаткунандаи озмуни “Фурӯғи субҳи доноӣ китоб аст” бошад, ки аз ноҳияи Ашти вилояти Суғд ба умеди пирӯзӣ дар даври ниҳоӣ вориди Душанбе шудааст. Сабура хонандаи синфи 3-уми муассисаи таҳсилоти умумии 61 ноҳияи Ашти вилояти Суғд аст. Дар озмуни вилоятӣ бо дарёфти 90 хол дар номинатсияи "Азёд кардану хондани ашъори бачагона ва афсонаву ривоятҳои халқи тоҷик" ба даври ниҳоӣ роҳхат гирифтааст.
