Китобҳои нав

Нашриёти «Донишварон» таҳти унвони «Дил, рўҳ ва инсон» рисолаи нави илмӣ-публитсистии Саидҷон Нодириро аз чоп баровард.
Рисолаи мазкур натиҷаи заҳмати чандинсолаи пизишки маъруфи рўҳшиносу равоншифо, номзади илмҳои тиб, Корманди шоистаи Ҷумҳурии Тоҷикистон Саидҷон Нодирӣ мебошад, ки тавассути гипноз, сўзанзанӣ, гиёҳдармонӣ ва усули мануалӣ бо табобати беморон солҳои тўлонӣ машғул аст.
Баъзе аз маводи ин рисола қаблан дар рўзномаву маҷаллаҳои Тоҷикистон, Русия ва Эрон интишор гардида, аз ҷониби мутахассисони варзидаи соҳаи тиб бо хушнудӣ ва қадрдонӣ пазируфта шудааст.

Дар нашриёти «Контраст»-и пойтахт ба забони тоҷикӣ китоби арзишманд таҳти унвони «Суханҳои ҳикматомўзи Президенти Тоҷикистон, Асосгузори сулҳу ваҳдати миллӣ-Пешвои миллат Эмомалӣ Раҳмон» дар ҳаҷми 464 саҳифа, бо теъдоди 500 нусха аз чоп баромад.
Гуфтанист, ки китоби мазкур дар сатҳи баланди фарҳанги табъу нашр ва бо истифода аз нигораҳои миллӣ мунташир шудааст.

Дар ин маҷмўа суханҳои ҳикматомўзи Пешвои миллат Эмомалӣ Раҳмон дар мавзўъҳои мухталиф, аз ҷумла дар бораи истиқлолияти давлатӣ, сулҳу осоиш ва ваҳдати миллӣ, худшиносӣ, таърих, забони модарӣ, одобу ахлоқ, таълиму тарбия, занону бонувон, ҷавонон, ҷашни Наврўз, Конститутсияи ҷумҳурӣ, фароҳам оварда шудаанд.

Нашриёти “Ирфон” ахиран библиография ва монографияи Академик Файзулло Шарифзодаро дар таҳияи корманди собиқадори Китобхонаи Миллӣ Ҷурабой Раҷабов ва мудири кафедраи педагогикаи Донишгоҳи миллии Тоҷикистон ФаридунШарипов дар ҳаҷми 272 саҳифа бо забонҳои тоҷикӣ ва русӣ аз чоп баровард.
Дар осорнома роъҷе ба рўзгор ва фаъолияти илмии акдемики Академияи таҳсилоти Тоҷикистон Файзулло Шарифзода, асарҳои илмӣ, методӣ- таълимӣ,тарҷума, мақолаҳо роҷеъ ба паҳлўҳои мухталифи фаъолияти илмӣ ва таҳқиқоту пажуҳишҳои анҷомдода ӯиттилооти мушаххасдода шудааст.Китобнома дар асоси захираи Китобхонаи миллии Тоҷикистон, хонаи китоби Ҷумҳурии Тоҷикистон ва бойгонии олим Файзулло Шарифзода таҳия гардидааст.

Чунин ном дорад китобе, ки ахиран бо талоши собиқадорони соҳаи китобдорӣ Бекназар Аҳмадов ва Ҷўрабой Раҷабов чоп шуд.

Маълумотномаи мазкур иборат аз пешгуфтор, чор фасл ва рӯйхати сарчашмаҳо иборат буда, муаллифон талош кардаанд хонандаро ба олами аҷоиботи китоб, сайру такомули ин василаи муҳими такомули инсоният аз наздик шинос намоянд.

Пӯшида нест, ки мақоми китоб дар фарҳанги мардуми тоҷик хеле бузург аст. Муаллифон дар муқаддима менависанд: “Фарҳанг ҳастии имллат

Библиографияи монографии академик Ирина Холовна Каримова бо ду забон аз чоп баромад, ки дар он  фаъолиятҳои илмии ӯ  то 1 июли соли 2016 мавриди баррасӣ қарор гирифтааст.
Кўшиш ба харҷ дода шудааст, ки кулли маводи мунташира тибқи меъёрҳои пазируфташуда таҳия гардад.
Дар муаррифии китобнома омадааст: «Дастур барои таҳияи библиографиҳо, сомонаҳои Интернетӣ, рўйхати қитобҳо барои кормандони китобхонаҳо ва муҳаққиқону донишҷўён муфид мебошад».
Муаллифон Ҷӯрабой Раҷабов ва Сафар Сулаймонӣ дар сарсухан навиштаанд, ки “кулли маводи ба забонҳои тоҷикӣ ва русии батабърасида бори нахуст дар ин китобнома ворид гардида, мавриди таҳқиқи муаллифон қарор гирифтааст”

Ёздаҳумин китоб аз силсилаи “Тоҷнома” (Тоҷикон дар масири тамаддун) рӯйи чопро дид. Ин бор аз ин силсила, ки бо ҳидоят ва дастгирии Президенти Ҷумҳурии Тоҷикистон, муҳтарам Эмомалӣ Раҳмон нашр мешавад, китоби маъруфи “Аҷоиб-ул-махлуқот ва ғароиб-ул-мавҷудот”-и Муҳаммад ибни Маҳмуд ибни Аҳмади Тӯсӣ интишор ёфт. Муаллифи китоб намояндаи майдони илм ва фарҳанги асри ХII аст ва шаҳри Тӯс мутаваллид шудаву бештари умрашро дар