Дар шаш моҳ 2165 нусха китобҳои фарсуда тармим шудаанд

Диҳиши адабиёт ба толорҳои хониш, абонементи байни китобхонаҳо (АБК) ва дигар шуъбаҳои китобхона дар ҳудудан 6-моҳ 47656 нусхаро ташкил додааст. Кормандони шуъбаи нигаҳдории китоб 2165 нусха китобҳои фарсударо таъмири хурд  намуданд.Чунин таъмирҳои хурди китоб дар шуъба доимо карда мешавад. 

Ҳамасола аз ҷониби чопхонаҳо теъдоди зиёди адабиёт нашр гардида ва тибқи  Қонуни Ҷумҳурии Тоҷикистон « Дар бораи нусхаи ҳатмӣ» теъдоди муайяни онҳо ба фонди умумии Китобхонаи миллии Тоҷикистон ворид мегардад. Дар ин ҳудудан шаш моҳи соли ҷорӣ аз шуъбаи коркарди адабиёт ба шуъбаи мазкур 10567 нусха адабиёти тозанашр ворид гардид, ки ин як роҳи ғанигардонии фонди китобии шуъба ба ҳисоб меравад. Талаботи истифодабарандагон нисбат ба китобҳои соҳаи тиб, риёзӣ, таърихи халқи тоҷик, геология, педагогика,  ҳуқуқ,  сиёсат ва ғайра бештар аст.

  Кормандони шуъба ҳамеша кушиш менамоянд, ки китобҳо бо тарзи тозаву озода ва  мутобиқи меъёрҳо нигаҳдорӣ шуда ва дастрасти муштариён гардад. Айни замон дар шуъба 36 нафар  мутахассиси  баландихисоси соҳа  кору фаъолият доранд. Ҳадафи асоси онҳо:

• -  қонеъ гардонидани талаботи иттилоотии шахсони воқеӣ ва ҳуқуқии ватанию хориҷӣ;
• -  фароҳамоварии  фондҳои  китобии Китобхона;
• -  ташкил, ҳифз, таъмини нигаҳдории  фонди шуъба;
• -  нигаҳдории ваъзи санитарию  гигиении фонди шуъба;
• -  муккамалсозии фонди Китобхона  бо адабиёти тозанашр;
• -  интиқоли китобҳои мазмунан куҳнашуда ва нодир ба шуъбаи   

нигаҳдори депозитарӣ.

Маврид ба ёдоварист, ки Шуъбаи нигаҳдории китоб моҳи январи соли 1933 ташкил ёфтааст. Ҳоло фонди умумии шуъба 2257532 нусха адабиёт буда, аз ин 162515 нусха ба забони тоҷикӣ ва 204363 нусха ба забони русӣ, 47654 нусха ба забони халқҳои Иттиҳоди Давлатҳои Мустақил (ИДМ) мебошад. Ҳангоми таҳлили омор маълум гардид, ки китобҳо ба забони тоҷикӣ- 7,2%, русӣ- 90,7% ва ба забони халқҳои ИДМ 2,1% фисадро ташкил медиҳад. Қайд кардан ба маврид аст, ки аз ин шумора китобҳо аз рақами 1 то 1520000 тибқи рақами инвентарӣ ва аз соли 1978 то соли ҷорӣ тибқи рақами сол яъне хронологӣ дар рафҳои китобӣ ҷо ба ҷо гузошта шудаанд. Шуъба вазифадор аст,  ки ҳамчун нигаҳдорандаи ганҷинаи миллат ҳамаи осори чопӣ, ба хусус беҳтарин асарҳои илмию таърихии ходимони ҷамъиятӣ  ва фарҳангии халқи тоҷикро ҷамъоварӣ намуда, ҳифз менамояд.

Захираҳои дигари фонди шуъбаи нигаҳдори китоб дар шуъбаҳои депозитарӣ, библиографияи миллӣ, маркази тоҷикшиносӣ, рисолаҳои илмӣ, адабиёт доир ба фарҳанг ва ҳунар,  хизматрасонии библиографӣ ва дигар шуъбаҳои алоҳида маҳфузанд, ба мизоҷон мустақиман хизмат мерасонанд. Адабиёти аз тарафи хонанда дархостшуда тавассути шуъбаи феҳристнигорӣ муайян карда мешавад.

Маҳмадшариф Каримов 
ва Ҷамил Валиев,
кормандони Китобхонаи
миллии Тоҷикистон