Activities calendar

17 февраля 2015

Директор Файзализода Ҷумахон Хол

Аз 04.02.2020 бо Амри Президенти Ҷумҳурии Тоҷикистон ба вазифаи директори Муассисаи давлатии «Китобхонаи миллии Тоҷикистон»-и Дастгоҳи иҷроияи Президенти Ҷумҳурии Тоҷикистон таъин гардид.

Файзализода Ҷумахон Хол, 14 марти соли 1963 дар деҳаи Кангурти ноҳияи Темурмалики (собиқ ноҳияи Совет) вилояти Хатлон, дар оилаи коргар ба дунё омадааст.

Солҳои 1970-1980 дар мактаби миёнаи №8, деҳаи Кангурти ноҳияи Темурмалик таҳсил намудааст. Фаъолияти меҳнатиаш соли 1982 аз бригадаи чорвопарварии совхози Кангурти ноҳияи Темурмалик оғоз шудааст. 

Солҳои 1982-1984 хизмат дар сафи Кувваҳои Мусаллаҳи собиқ Иттиҳоди Шўравӣ, баъди адои хизмати ҳарбӣ аз соли 1985 то соли 1986 дар бригадаи №3 совхози боғпарварии ба номи Исмат Шарипови  ноҳияи Темурмалик  ба сифати коргар ва аз соли 1986 то соли 1987 ба ҳайси мудири бахши баҳисобгирии Кумитаи комсомолии ҳуқуқи райкомдоштаи совхози Кангурт адои вазифа намуд.